38. Jambukhādakasaṁyutta: With Jambukhādaka
I. With Jambukhādaka — SN38.15: A Question About Identity
- © Translated from the Pali by Bhante Sujato. (More copyright information)
1“Reverend Sāriputta, they speak of this thing called ‘identity’. What is identity?”
“Reverend, the Buddha said that these five grasping aggregates are identity. That is, form, feeling, perception, choices, and consciousness. The Buddha said that these five grasping aggregates are identity.”
“But, reverend, is there a path and a practice for completely understanding this identity?”
“There is.” …
1"‘Sakkāyo, sakkāyo’ti, āvuso sāriputta, vuccati. Katamo nu kho, āvuso, sakkāyo"ti?
"Pañcime, āvuso, upādānakkhandhā sakkāyo vutto bhagavatā, seyyathidaṁ – rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho. Ime kho, āvuso, pañcupādānakkhandhā sakkāyo vutto bhagavatā"ti.
"Atthi panāvuso, maggo atthi paṭipadā, etassa sakkāyassa pariññāyā"ti?
"Atthi kho, āvuso, maggo atthi paṭipadā, etassa sakkāyassa pariññāyā"ti.
"Katamo panāvuso, maggo katamā paṭipadā, etassa sakkāyassa pariññāyā"ti?
"Ayameva kho, āvuso, ariyo aṭṭhaṅgiko maggo, etassa sakkāyassa pariññāya, seyyathidaṁ – sammādiṭṭhi … pe … sammāsamādhi. Ayaṁ kho, āvuso, maggo ayaṁ paṭipadā, etassa sakkāyassa pariññāyā"ti.
"Bhaddako, āvuso, maggo bhaddikā paṭipadā, etassa sakkāyassa pariññāya. Alañca panāvuso sāriputta, appamādāyā"ti.
Pannarasamaṁ.